BEC-TERO TV

အလံလွှင့် လေသူရဲနှစ်ဦး ဟယ်လီကော်ပတာပေါ်မှ ပြုတ်ကျကာသေဆုံး (ရုပ်သံ)

13 Aug 2019     33,187 Views


ကိုလံဘီယာနိုင်ငံ အလံတော်ကို ဟယ်လီကော်ပတာတွင် စတီးကြိုးနဲ့ချိပ်ဆက်ကာ ဝေဟင်ပေါ်မှ အလံလွှင့်ပျံသန်းရာတွင် လေသူရဲနှစ်ဦးက အလံတော်နဲ့အတူချိပ်ဆက်လိုက်ပါခဲ့ပြီးနောက် စတီးကြိုးပြတ်ကျပြီး သေဆုံးခဲ့တဲ့ ထိတ်လန့်ဖွယ်ရာ မတော်တဆမှုတစ်ခု သြဂုတ်လ ၁၁ ရက် တနင်္ဂနွေနေ့က ဖြစ်ပွားခဲ့ပါတယ်။
 
ကိုလံဘီယာနိုင်ငံတွင် နှစ်စဉ်ပြုလုပ်နေကျ ပန်းပြပွဲကြီးရဲ့ ပိတ်ပွဲအခမ်းအနားအဖြစ် ဝေဟင်ပေါ်ကနေ နိုင်ငံတော်အလံကို မြို့အနှံဝဲပျံလွှင့်ထူစဉ် မမျှော်လင့်ပဲဖြစ်ပွားခဲ့တာဖြစ်ပါတယ်။ လေသူရဲနှစ်ဦးဟာ နိုင်ငံတော်အလံနဲ့အတူ အထက်တစ်ယောက် အောက်တစ်ယောက် တွဲလွဲခိုလိုက်ပါလျှက် လက်ဝှေ့ယမ်းနှုတ်ဆက် သရုပ်ပြသနေစဉ် ဟယ်လီကော်ပတာနဲ့ အလံတော်ကို ချိပ်ဆက်ထားတဲ့ စတီးကြိုးပြတ်ကျပြီး သူတို့နှစ်ဦးစလုံး အလံနဲ့လုံးထွေးကာ ဝေဟင်ပေါ်ကနေ မြေင်ပြင်ပေါ် ပြုတ်ကျသွားခဲ့ပါတယ်။
 
 
ဖြစ်စဉ်ကြောင့် မြို့တော်လေဆိပ်ကို ချက်ခြင်းပိတ်လိုက်ပြီး အကြောင်းရင်းကို စုံစမ်းစစ်ဆေးမှုများ ပြုလုပ်သွားမည်ဖြစ်ကြောင်း ကာကွယ်ရေးဝန်ကြီးက ထုတ်ပြန်ကြေညာခဲ့သည်။ သေဆုံးခဲ့သည့်လေသူရဲနှစ်ဦးမှာ ကွန်မန်ဒို Jesus Mosquera နဲ့ Sebastian Gamboa Ricaurte တို့ဖြစ်ကြောင်း လေတပ်မတော်မှ ထုတ်ပြန်ကြေညာခဲ့သည်။
 
ဖြစ်စဉ်အတွက် များစွာနောင်တရပြီး မိသားစုနဲ့အတူ ထပ်တူပူဆွေးရပါကြောင်း လေတပ်မှ ပြောရေးဆိုခွင့်ရှိသူက မိသားစုများအား ဝမ်းနည်းကြောင်းသဝဏ်လွှာပေးပို့ခဲ့ပြီး ဖြစ်စဉ်နောက်ကွယ်က အမှန်တရားပေါ်ပေါက်အောင် စုံစမ်းစစဆေးသွားမည်ဖြစ်ကြောင်း ထုတ်ပြန်ကြေညာခဲ့သည်။
 
 
ယခုအဖြစ်ပျက်ကြောင့် လေကြောင်းသရုပ်ပြမှုအားလုံးတို့တွင် လူကိုယ်တိုင်လိုက်ပါခြင်းတို့အား တားမြစ်လိုက်ပြီဖြစ်ကြောင်း ကာကွယ်ရေးဝန်ကြီး Guillermo Botero က ချက်ခြင်းထုတ်ပြန်ကြေညာလိုက်သည်။

13 Aug 2019     33,187 Views




RELATED

Most Popular of International News

Most Popular of NEWS