BEC-TERO TV

မော်လမြိုင်မြို့ ငါးပုဇွန်ဒိုင်အချို့တွင် ဖော်မလင်သုံးစွဲထားသော ငါးများ စစ်ဆေးတွေ့ရှိ

10 Sep 2019     13,097 Views


စက်တင်ဘာလ ၉ ရက်နေ့က မော်လမြိုင်မြို့နယ် အစားစာဆေးဝါးကြီးကြပ်မှုကော်မတီ ပြည်နယ်စားသုံးရေးရာဦးစီးဌါနတို့ ပူးပေါင်း၍ ကျောက်မီးသွေးရုံ ငါးပုဇွန်လက်ကားဒိုင်များသို့ ဝင်ရောက်စစ်ဆေးခဲ့ရာ ဒိုင်အချို့ရှိ ငါးများတွင် တာရှည်ခံဆေးဖော်မလင် သုံးစွဲထားကြောင်း စစ်ဆေးတွေ့ရှိခဲ့သည်။
 
 
FDA မှ မိုဘိုင်းဓါတ်ခွဲခန်းကားနဲ့အတူ ငါးပုဇွန်ဒိုင်များရှိရာသို့ သတင်းအရ ရှောင်တခင် သွားရောက်စစ်ဆေးခဲ့ရာ ငါးပုဇွန်ဒိုင် ၁၅ ဆိုင်မှ သံသယရှိနမူနာ ၁၃ မျိုးကို စစ်ဆေးခဲ့ခြင်းဖြစ်သည်။
 
 
ယင်းသို့ စစ်ဆေးနေစဉ် ဒိုင် ၄ ခုမှ ကျန်ရှိနေသော ငါးနှပ်၊ ငါးကျန်များကို စစ်ဆေးရာ ဖော်မလင်သုံးစွဲထားကြောင်း ဓါတ်ခွဲစစ်ဆေးပြီး အတည်ပြုနိုင်ခဲ့သဖြင့် ငါးပိဿာချိန် ၁၈၀ ကို သိမ်းဆည်းကာ မုယောင်းအမှိုက်ကျင်းသို့ စွန့်ပစ်မှုများ ပြုလုပ်ခဲ့သည်။
 
 
ငါးပုဇွန်များမှာ အနယ်အရပ်ရပ်နဲ့ ထိုင်းနိုင်ငံတို့မှပါ တင်သွင်းလာသောငါးများဖြစ်ပြီး ဖော်မလင်သုံးစွဲထားမှုမှာ ငါးပုဇွန်ဒိုင်များက သုံးစွဲထားခြင်းမဟုတ်ပဲ ငါးများဖမ်းဆီး သယ်ယူရာလမ်းတလျှောက်တွင် နည်းနည်းခြင်း ထည့်သွင်းလာသော အခြေအနေမျိုး တွေ့ရှိခဲ့ရသဖြင့် ငါးပုဇွန်ဒိုင် ပိုင်ရှင်များကို ပထမဆုံးအကြိမ်အဖြစ် ခံဝန်လက်မှတ် ထိုးစေခဲ့ကြောင်း သိရသည်။
 
 
ဆက်လက်၍ ဖော်မလင်ကို အသုံးပြုခဲ့သည့် မူရင်းနေရာများကို ဆက်လက်စုံစမ်း ဖော်ထုတ်သွားမည်ဖြစ်ကြောင်း အစားစာဆေးဝါးကြီးကြပ်မှုကော်မတီ မော်လမြိုင်မှ သတင်းရရှိသည်။
 
သတင်း/ဓါတ်ပုံ - TTS
 

10 Sep 2019     13,097 Views




RELATED

Most Popular of Myanmar News

Most Popular of NEWS