ကိုးရီးယား လမ်းမလယ်ခေါင်မှာ အကြမ်းဖက်ခံလိုက်ရတဲ့ ဂျပန်ဆယ်လီမိန်းကလေး
12 Sep 2019 1,432 Views
Miyurin အမည်ရတဲ့ အင်တာနက်ပေါ်မှာ နာမည်ကြီးနေတဲ့ ဂျပန် ဆယ်လီတစ်ဦးဟာ တောင်ကိုးရီးယားနိုင်ငံ၊ ဆိုးလ်မြို့ကို သွားရောက်လည်ပတ်ရင်း လမ်းမလယ်ခေါင်မှာ အကြမ်းဖက်ခံလိုက်ရပါတယ်။
>>ဆက်လက်ဖတ်ရှုရန် Read More ကိုနှိပ်ပါ။<<
အဖြစ်အပျက်တော့ ဆိုးလ်မြို့၊ Hong Dae တစ်နေရာရှိ လမ်းမထက်မှာ ဖြစ်ပွားခဲ့တာပါ။ Miyurin လမ်းမမှာ သူငယ်ချင်းနဲ့ လည်ပတ်နေတုန်း အမျိုးသားတစ်ဦးက အနားကိုရောက်လာပြီး ခြေထောက်နဲ့ ကန်ကျောက်ကာ ရိုက်နှက်ခဲ့ပါတယ်။
အဆိုပါအမျိုးသား ပါးစပ်ကနေပြီး Miyurin ကို ‘ကိုးရီးယားကနေ ထွက်သွားဖို့’ ပြောနေခဲ့ပါတယ်။ Miyurin သူငယ်ချင်းက အဖြစ်အပျက်ကို ဗွီဒီယိုရိုက်ပြီး လူမှုကွန်ယက် တွစ်တာမှာ တင်လိုက်တဲ့အခါ ကမ္ဘာလှည့်ခရီးသွားတွေအနေနဲ့ ကိုးရီးယားဟာ မလုံခြုံတော့တဲ့ နေရာတစ်ခုလားဆိုပြီး မေးခွန်းထုတ်စရာတွေ ဖြစ်လာပါပြီ။
သူမကို ကိုးရီးယား လူလတ်ပိုင်း အမျိုးသားတစ်ဦးက အကြမ်းဖက်တိုက်ခိုက်ခဲ့တဲ့ အကြောင်း တွစ်တာမှတစ်ဆင့် ပြန်လည်အသိပေးထားပါတယ်။
လက်ရှိမှာ ကိုးရီးယား-ဂျပန် နှစ်နိုင်ငံကြား trade war ဖြစ်နေတာကြောင့် နှစ်နိုင်ငံဆက်ဆံရေးက တင်းမာတဲ့အခြေအနေမှာ ရောက်ရှိနေတယ်လို့ဆိုရမှာပါ။ တောင်ကိုးရီးယားဟာ ဒုတိယ ကမ္ဘာစစ်အတောအတွင်း ဂျပန်လက်အောက် သူ့ကျွန်ဘဝအဖြစ် ၃၅ နှစ်တိတိကျရောက်ခဲ့ဖူးပါတယ်။
ကိုးရီးယားတွေ ဂျပန်ကို သေမလိုမုန်းတဲ့ ဒီအငြိုးတွေက ကျန်ရှိနေသေးပုံပါပဲ။
Ref:allkpop
(ပိုပိုလေး)
