BEC-TERO TV

ONE CHAMPIONSHIP ပြိုင်ပွဲတွင် မြန်မာကိုယ်စားပြု ပါဝင်ယှဉ်ပြိုင်မယ့် ထီရယ်လ်ထန် (Dragon leg)

04 Dec 2019     4,988 Views


ဒီဇင်ဘာလ (၆) ရက်နေ့တွင် ကျင်းပမည့် ONE CHAMPIONSHIP:MARK OF GREATNESS ပြိုင်ပွဲမှာ ချင်းအမျိုးသား ထီရယ်လ်ထန် (Dragon leg) က မြန်မာကိုယ်စားပြုပါဝင်ယှဉ်ပြိုင်သွားမှာဖြစ်ပါတယ်။ အဆိုပါပွဲကို မလေးရှားနိုင်ငံ ကွာလာလမ်ပူမြို့ရှိ Axiata Arena အားကစားရုံမှာ ကျင်းပသွားမှာဖြစ်ပါတယ်။

မြန်မာကိုယ်စားပြုယှဉ်ပြိုင်ထိုးသတ်မယ့် ထီရယ်လ်ထန်ကို ယုံကြည်မှုရှိရှိနဲ့ နိုင်ပွဲရယူနိုင်လိမ့်လို့ မျှော်လင့်ထားကြောင်း မယ်ဒယ်ဝိတ်တန်းနဲ့ လိုက်ဟဲဗီးဝိတ်တန်း ချန်ပီယံ အောင်လအန်ဆန်က ပြောကြားခဲ့ပါတယ်။

အောင်လအန်ဆန်က ‘ ထီရယ်လ်ထန်နဲ့ ပတ်သတ်ပြီး အများကြီး အားရကျေနပ်မှုရှိပါတယ်။ အကောင်းဆုံးပြင်ဆင်ထားတယ်လို့လည်း သိရတယ်။ ထိုးသတ်ပွဲတွေများလာတဲ့နဲ့အမျှ အတွေ့အကြုံပိုရှိလာမှာဖြစ်ပါတယ်။ ထီရယ်လ်ထန်နဲ့ ယှဉ်ပြိုင်မယ့် ပြိုင်ဘက်ကစားသမားဟာ နပန်းနဲ့ Stand Fight က ပိုကောင်းတယ်လို့ သိထားရပါတယ်။ ဒါပေမယ့် အနိုင်ရဖို့ မျှော်လင့်ထားပါတယ် ’ လို့ ပြောကြားခဲ့ပါတယ်။

အောင်လအန်ဆန်ဟာ ထီရယ်လ်ထန် (Dragon leg) ကို အားပေးဖို့အတွက် မလေးရှားကို ရောက်ရှိနေတာဖြစ်ပြီး ကွာလာလမ်ပူမြို့တွင်လည်း သူကိုအားပေးတဲ့ ပရိတ်သတ်တွေနဲ့ Fan Meeting ကို ယနေ့ပြုလုပ်ခဲ့တယ်လို့ သိရပါတယ်။

ထီရယ်လ်ထန်က ပြိုင်ပွဲအတွက် ကြိုတင်လေ့ကျင့်ပြင်ဆင်မှုနဲ့ ပါတ်သတ်ပြီး ‘ ကျတော် ဒီပွဲအတွက် အများကြီး ပြင်းပြင်းထန်ထန် လေ့ကျင့်ထားပါတယ်။ မိသားစုနဲ့ခွဲပြီး ဖလောရီဒါမှာ ကိုအောင်လနဲ့ အတူလေ့ကျင့်ခဲ့ပါတယ်။ ကမ္ဘာချန်ပီယံတစ်ဦးနဲ့ လေ့ကျင့်ရတဲ့အတွက်လည်း အများကြီး အထောက်အကူပြုပါတယ်။ မြန်မာနိုင်ငံအတွက်ရော ၊ ကျွန်တော်မိသားစုအတွက်ရော အကောင်ဆုံး ကြိုးစားခဲ့ပါမယ့်လို့ ပြောကြားခဲ့ပါတယ်။ ’

ထီရယ်လ်ထန်နဲ့ ကစားမည့် ပြိုင်ဘက်ကစားသမားဟာ တောင်ကိုရီးယားနိုင်ငံသား Kim Woon Kyoum ဖြစ်ပါတယ်။ ယခုထိုးသတ်မယ်ပွဲဟာ ထီရယ်လ်ထန်အတွက် ONE CHAMPIONSHIP ပြိုင်ပွဲမှာ ဒုတိယမြောက်ပွဲစဉ်ဖြစ်ပြီး ပထမပွဲစဉ်တွင် ကမ္ဘောဒီးယား ကစားသမား  Rin Saroth နှင့် ရန်ကုန်မြို့တွင်ရင်ဆိုင်ခဲ့ရာ အမှတ်ဖြင့်အနိုင်ရခဲ့ပါတယ်။

မြန်မာကိုယ်စားပြုယှဉ်ပြိုင်မယ့် ထီရယ်လ်ထန် အောင်မြင်ပါစေ

 

 

 


04 Dec 2019     4,988 Views




RELATED

Most Popular of Boxing

Most Popular of Sport