Chelsea Captain John Terry ထွက်မည်
02 Feb 2016 1,386 Views
Chelsea အသင်း Captain ဂျွန်တယ်ရီမှာ စာချုပ်သစ်ကမ်းလှမ်းခြင်းမခံရတော့သဖြင့် လာမည့်ရာသီကုန် လက်ရှိစာချုပ်ပြည့်ချိန်တွင် အသင်းမှ ထွက်တော့မည်ဟုဆိုသည်။
အသက် ၃၅နှစ်အရွယ်နောက်ခံလူတယ်ရီက ကျနော်ဒီမှာနေချင်ပါသေးတယ်။ဒါပေမယ့်အသင်းက ကွဲပြားတဲ့အမြင်နဲ့တစ်ခြားလမ်းဘက်ကို သွားနေတာပါဟုပြောဆိုခဲ့သည်။
လွန်ခဲ့သော ၂၁နှစ်အသက်၁၄နှစ်အရွယ်ကပင်ချဲလ်ဆီးသို့ရောက်နေသောတယ်ရီမှာ အသင်းနှင့်အတူပရီးမီးယားလိဂ်ဖလား၎ကြိမ်၊ FAဖလား ၅ကြိမ်နှင့် ချန်ပီယံဖလား၊ ယူရိုပါလိဂ်ဖလားများရခဲ့သူဖြစ်သည်။
တယ်ရီမှာ ယခုအချိန်ထိချဲလ်ဆီးအတွက် ၆၉၆ပွဲကစားပေးခဲ့ပြီဖြစ်ပြီး ကစားသမားဘ၀ကိုဆက်ချင်သေးသော်လည်း အင်္ဂလန်ကလပ်များ သို့ပြောင်းရွှေ့မည်မဟုတ်ဟု ပြောဆိုထားခဲ့သည်။
သို့သော် အခြားသတင်းများတွင်မှု ချဲလ်ဆီးအသင်းတာဝန်ရှိသူများအနေနှင့်တယ်ရီအတွက် စာချုပ်သစ်ကိစ္စစဉ်းစားနေကြသည်ဟု လည်း ဖော်ပြ ခဲ့ကြသည်။
