ဇန်နဝါရီ ၂၁ ရက် နံနက် ၈ နာရီခန့်က ရန်ကုန်-မန္တလေး အမြန်လမ်းမ ပေါ်တွင် Hi Ace ကားတစ်စီး မီးလောင်၍ လိုက်ပါလာသူရှစ်ဦး သေဆုံးပြီး အသက်ရှင်ကျန်ရစ်သူ တစ်ဦးရှိခဲ့ရာ မီးလောင်သေဆုံးခဲ့သူ၏ခင်ပွန်းနှင့် မျက်မြင်သက်သေဆိုသူ အချို့က မီးလောင်ခဲ့သည့်ကားပေါ်မှ ဆင်းလာသူနှစ်ဦးရှိကြောင်း ပြောဆို ရေးသားခြင်းနှင့် CID နှင့် သေဆုံးသူ များ၏မိသားစုဝင်အချို့ တွေ့ဆုံစဉ် ပြောကြားချက်များကို မကျေနပ်ကြကြောင်းနှင့် မှုခင်းရဲတပ်ဖွဲ့ CID အပေါ် ကြောက်ရတဲ့ ဖိအားတစ်ခုခုရှိနေရင် မှန်မှန်ကန်ကန် ဘယ်ရဲမှ မလုပ်ရဲဘူးဟု ပြောဆိုရေးသားချက်များနှင့် ပတ်သက်၍ ရှင်းရှင်းလင်းလင်း သိရှိနိုင်ရန် မှုခင်းရဲတပ်ဖွဲ့ CID(ရန်ကုန်)မှ ရဲမှူးမိုးအောင်နှင့် ဖလားဝါးနယူးစ်ဂျာနယ်မှ ဆက်သွယ်မေးမြန်းခဲ့ပါတယ်။

 

မေး - ဇန်နဝါရီ ၂၁ ရက် နံနက် ၈ နာရီခန့်က ရန်ကုန်-မန္တလေး အမြန်လမ်းမပေါ်မှာ Hi Ace ကားတစ်စီး မီးလောင်ပြီး ကား ပေါ်မှာပါလာတဲ့လူ ရှစ်ဦး သေဆုံးပြီး တစ်ဦး လွတ်မြောက်လာတဲ့အခင်းဖြစ်စဉ် နဲ့ပတ်သက်ပြီး ပြောပြလို့ရနိုင်တဲ့စစ်ဆေး တွေ့ရှိချက်အချို့ကို သိချင်ပါတယ်။

 

ဖြေ - ဒီအခင်းဖြစ်စဉ်နဲ့ပတ်သက်လို့ ကျွန်တော်တို့မှုခင်းရဲတပ်ဖွဲ့ CID က လွှဲပြောင်းလက်ခံစစ်ဆေးနေတာ မှန်ပါတယ်။ အချို့စစ်ဆေးတွေ့ရှိချက်တွေက မီဒီယာတွေကိုပဲဖြစ်ဖြစ် ပြည်သူလူထုကိုပဲ ချပြလို့မရတာ ပြောပြလို့ မရပါဘူး။ အခု ဖြစ်စဉ်က လူအတော်များများ သိနေပါပြီ။ ကားပေါ်မှာပါလာတဲ့ လူကိုးဦးမှာ ရှစ်ဦး သေတယ်။ တစ်ဦး အသက်ရှင်တယ်။ သူက ယာဉ်မောင်း ကိုအောင်ခန့်ဆိုတဲ့သူပါ။ သူ့ကိုလည်း ဥပဒေနဲ့အညီ ဖမ်းဆီး စစ်ဆေးပြီး အမှုဖွင့်ထားပါတယ်။ အခု ကျွန်တော်တို့အနေနဲ့ စုံစမ်းစစ်ဆေးတွေ့ ရှိချက်တွေအရ အမှုခိုင်မာအောင် တည် ဆောက်ပြီးရင် တရားရုံးမှာ တရားစွဲတင်နိုင်ဖို့ ဆောင်ရွက်နေပါတယ်။

 

မေး - ဂျာနယ်တစ်စောင်မှာ ကားပေါ်ကဆင်းလာတဲ့သူနှစ်ယောက်ဆိုပြီး မျက်မြင်သကသေတွေက ပြောတယ်ဆိုပြီး ရေးသားထားတာ တွေ့ရပါတယ်။ ဆရာတို့ဘက်က အမြင်ရော ဘယ်လိုရှိပါလဲ။

 

ဖြေ - ဒီကိစ္စနဲ့ပတ်သက်လို့ ကျွန်တော်တို့က အရင်ကတည်းက ရှင်းရှင်းလင်းလင်း သိထားပြီးသားပါ။ မီးလောင်သွားတဲ့ကားပေါ်က ဆင်းလာတာ တစ်ယောက်တည်းပါ။ နှစ်ယောက်ဆိုတာ မဟုတ်ပါဘူး။ ကားပေါ်ကဆင်းလာတဲ့သူက ယာဉ် မောင်း အောင်ခန့်ပါ။ အခုပြောဆိုနေကြတဲ့ မီးလောင်တဲ့ကားပေါ်ကဆင်းတာ လူနှစ်ယောက်ဆိုတဲ့ကိစ္စ မဟုတ်ဘူးဆိုတာ သေချာပါတယ်။ ကျွန်တော်တို့ သေ သေချာချာ စစ်ဆေးပြီးပါပြီ။ တချို့က ဝင်ကူတဲ့သူတွေကို စိတ်ထင်ရာမှန်းပြီး ပြောနေကြတာပါ။

 

မေး - ဂျာနယ်မှာ မီးလောင်ထားတဲ့ကားပေါ်က ဆင်းလာတဲ့သူလို့ စွပ်စွဲခံရတဲ့ အင်္ကျီအနက် ဂျင်းဘောင်းဘီဝတ်ထားတဲ့ ကိုအောင်ခန့်နဲ့ စကားပြောပြီးရပ်နေတဲ့သူဟာ ကိုခွန်ရန်နိုင်ဦးလို့ သိရပါတယ်။ သူ့ကို ခေါ်ယူ စစ်ဆေးမေးမြန်းပြီးပြီလား။

 

ဖြေ - ဟုတ်ကဲ့၊ ကျွန်တော်တို့ မီး လောင်ကားပေါ်က ဆင်းလာတဲ့သူလို့ စွပ်စွဲခံရတဲ့ ခွန်ရန်နိုင်ဦးရော အခင်းဖြစ်စဉ်မှာမြင်တွေ့ပြီး သူနဲ့အတူပါလာတဲ့ သူ့ဖခင် ဦးဝင်းထိန်နဲ့ရော ကျွန်တော်တို့ တွေ့ဆုံစစ်ဆေးမေးမြန်းပြီးပါပြီ။ ထူးခြားချက်မရှိပါဘူး။ သူတို့မိသားစုက ခရီးသွားရင်း ဒိုက်ဦးကိုပြန်တုန်း အမှတ်တမဲ့ကြုံတွေ့လို့ ခွန်ရန်နိုင်ဦးက သူတို့ကားပေါ်ကဆင်းပြီး ဝင်ကူညီတဲ့သူတွေပါ။ နောက်တစ်ခုက ဦးဝင်းထိန်တို့၊ ရန်နိုင်ဦးတို့ မောင်းလာတဲ့ကားက တိုးဂိတ်ကိုဖြတ်လာတာဆိုတော့ တိုးဂိတ် CCTV မှတ်တမ်းတွေအရ အချိန်က တခြားစီပါ။ မီးလောင်တဲ့အချိန်နဲ့ သူတို့မိသားစုစီးတဲ့ ကားဖြတ်တဲ့အချိန်က မတူပါဘူး၊ လွဲနေပါတယ်။

 

မေး - မီးလောင်ပြီး သေဆုံးသွားတဲ့သူတွေရဲ့ မိသားစုဝင်တွေနဲ့ CID တွေ့ဆုံပြီးနောကပိုင်းမှာ CID ရဲ့ ဖြေကြားချက်တွေကို မိသားစုဝင်အချို့က မကျေနပ်ဘူးဆိုပြီး ပြောနေတာ၊ ရေးနေတာတွေ တွေ့ရဖတ်ရပါတယ်။ အဲဒီကိစ္စနဲ့ပတ်သက်လို့ ရှင်းပြပေးပါဦး။

 

ဖြေ - ကျွန်တော်တို့ ကားမီးလောင်ပြီးသေဆုံးသွားတဲ့သူတွေရဲ့ မိသားစုဝင် အားလုံးနဲ့ တွေ့ဆုံတဲ့အခါ ထူးထူးခြား ခြား ပြောဆိုရှင်းလင်းတာမျိုးမရှိပါဘူး။ အခင်းဖြစ်စဉ်နဲ့ပတ်သက်လို့ပဲ ရှင်းပြတာပါ။ ကျွန်တော်တို့ ရှင်းပြတုန်းက အဲဒီမိသားစုဝင်တွေထဲက တစ်ယောက်မှ မကျေနပ်တာ မပြောခဲ့ပါဘူး။ နောက်ပြီး မိသားစုဝင်တွေကပဲ ထင်မြင်ယူဆနေတဲ့ကား မီးလောင်တဲ့ကိစ္စ လုပ်ကြံခံရတာဆိုတာမျိုး နဲ့ပတ်သက်လို့ ဘာမှမပြောခဲ့ပါဘူး။ ခိုင်လုံ တဲ့သက်သေအထောက်အထား၊ သက် သေခံပစ္စည်းနဲ့ အကြောင်းပြချက်တစ်စုံ တစ်ရာမျိုးရှိတယ်ဆိုတာ မပြောခဲ့ကြပါဘူး။ ကျွန်တော်တို့လည်း မေးတယ်လေ။ ဒီကိစ္စနဲ့ပတ်သက်ပြီး လူမှုရေး၊ စီးပွားရေး အကြောင်းအရာတစ်ခုခုကြောင့် လုပ်ကြံခံရတယ်ဆိုရင် မသင်္ကာတဲ့အချက်တွေ ပေါ့၊ အဲဒါတွေရှိရင် ပြောပါလို့ ကျွန်တော်တို့က ပြောခဲ့ပြီးသားပါ။ အဲဒီလိုမေးတော့ သူတို့လည်း ဘာမှမပြောနိုင်ဘူးပေါ့။ ကျွန်တော်တို့က အခုမှ သူတို့ပြောတာတွေ ဂျာနယ်မှာပါတဲ့အကြောင်းအရာတွေကို လိုက်ပြီးရှင်းမနေတော့ပါဘူး။ ကျွန်တော်တို့ရဲ့ လုပ်ငန်းတာဝန်အရ အမှုမှန်ပေါ် ပေါက်ရေးအတွက် စုံစမ်းစစ်ဆေးမေးမြန်းမှုတွေလုပ်မယ်။ ရဲလုပ်ငန်းအရ အမှုကိုခိုင်မာအောင် တည်ဆောက်ပြီးရင် တရားရုံးကို တရားစွဲတင်ဖို့လုပ်ပါမယ်။ ဒါပါပဲ။ သူတို့ ဘာကိုမကျေနပ်သလဲဆိုတာတော့ မသိပါဘူး။

 

မေး - ကားပေါ်မှာ မီးလောင်သေဆုံးသွားတဲ့ ဒေါ်သင်းသင်းမော်ရဲ့ခင်ပွန်း ကိုအောင်ကိုဦးက ဂျာနယ်တစ်စောင်မှာ ပြောထားတာက CID က ထောက်လှမ်းရေးတွေက အရည်အချင်းရှိပါတယ်။ နောက်ကသူတို့ ကြောက်ရတဲ့ ဖိအားတစ်ခုခုရှိနေရင်တော့ ဘယ်ရဲမှလည်း မလုပ်ရဲဘူးလို့တော့ ထင်တာပဲ။ မကိုင်ရဲဘူး၊ မှန်မှန်ကန်ကန် မလုပ်ရဲဘူးလို့ ကျွန်တော် မြင်တယ်လို့ ပြောဆို ရေးသားထားတာရှိတယ်။ အဲဒီပေါ်မှာရော ဘာများပြောချင်ပါသလဲ။

 

ဖြေ - အဲဒီကိစ္စနဲ့ ကျွန်တော်တို့ ဘာမှရှင်းပြစရာမလို၊ ပြောစရာလဲမရှိပါဘူး။ ကျွန်တော်တို့က ကျွန်တော်တို့တာဝန် ကျွန်တော်တို့ လုပ်နေတာပါ။ မကြာခင်မှာ အဲဒီကိစ္စနဲ့ပတ်သက်ပြီး ကျွန်တော်တို့ရဲ့ အထက်အဖွဲ့အစည်းက သတင်းစာရှင်းလင်းပွဲလုပ်မှာပါ။ အဲဒီတော့ ကျွန် တော်တို့က အကျယ်တဝင့် ရှင်းပြဖို့ ပြောဖို့ မလိုပါဘူး။ တချို့ကိစ္စတွေက အထင်နဲ့ ပြောနေတာတွေ၊ ယူဆချက်တွေကို ကျွန်တော်တို့က ထည့်ပြီးစဉ်းစားလို့မရပါဘူး။ သေချာတာကတော့ ကျွန်တော်တို့ရဲ့လုပ်ငန်းမှာ ကျွန်တော်တို့အပေါ်မှာ ဘာဖိအားမှမရှိဘူးဆိုတာ သေချာပါတယ်။ ကျွန်တော်တို့က ဒီအမှုမှမဟုတ်ပါဘူး။ ကျွန်တော်တို့ဆီမှာ ရောက်လာတဲ့အမှုတိုင်းကို သေသေချာချာ စေ့စေ့စပ်စပ်နဲ့ အမှုမှန်ပေါ်ပေါက်ရေးကိုပဲ ဦးတည်ဆောင်ရွက်ပါတယ်။ အခု ကျွန်တော် ထပ်ပြောပါ့မယ်။ ဒီအမှုနဲ့ပတ်သက်လို့ ကျွန်တော်တို့ ကြောက်ရတဲ့ဖိအား ဘာတစ်ခုမှမရှိပါဘူး။ အမှုသွား အမှုလာအတိုင်း အမှန်ကို အမှန်အတိုင်း ဆောင်ရွက်နေတယ်။ ကျွန်တော်တို့ စစ်ဆေးထားတဲ့သူတစ် ယောက်ရှိပါတယ်။ သူ အခုအချိန်မှာ သူ့နာမည်နဲ့ သူ့အကြောင်းကို မပြောသေးဖို့ မေတ္တာရပ်ခံထားလို့ ကျွန်တော်တို့ ဘာမှမပြောသေးတာပါ။ ဒါကလည်း သိသင့်သိထိုက်တဲ့အချိန် သိရမှာပါ။

 

မေး - အခုပြောဆိုနေကြတဲ့ ရေးနေကြတဲ့အထဲမှာ ကိုယ်တိုင်မြင်တာ၊ ကြားတာ သိတာမဟုတ်တဲ့ ထင်မြင်ချက်တွေ၊ ယူဆချက် တွေဆိုတာ ရဲလုပ်ငန်းမှာရော ဥပဒေမှရော သက်သေခံဝင်ပါသလား။

 

ဖြေ - ရဲလုပ်ငန်းမှာရော တရားရုံးမှာရောက ကိုယ်တိုင်မမြင်၊ မသိ၊ မကြားဘဲ တစ်ဆင့်ကြားနဲ့ပြောတာ၊ ထင်မြင်ယူဆချက်တွေက တည်ဆဲဥပဒေအရ တစ်ဆင့်ကြားသက်သေဆိုတာ သက်သေခံမဝင်ပါဘူး။ လက်လည်းမခံပါဘူး။ အဓိက သက်သေမျက်မြင်သက်သေဆိုတာ ကိုယ်တိုင် မြင်တွေ့ကြားသိတဲ့သူတွေပါ။ အဲဒီတော့ ကျွန်တော်တို့က တစ်ဆင့်ကြားသက် သေတွေနဲ့ပတ်သက်ပြီး စစ်ဆေးမေးမြန်း စရာမရှိပါဘူး။ အခုဒီကိစ္စနဲ့ပတ်သက်ပြီး သတင်းစာရှင်းလင်းပွဲတစ်ခုလုပ်ဖို့လည်း ရှိပါတယ်။ ဒီအမှုနဲ့ပတ်သက်လို့ ခိုင်မာတဲ့ အမှုတည်ဆောက်ပြီးရင် မကြာခင် တရားရုံးကို တရားစွဲတင်ပို့တော့မှာပါ။

 

 

Credit:ဖလားဝါးနယူးစ်