ဇနီးမောင်နှံ (၂) ဦး အတူတူ ဟင်းချက် စားသောက်ခြင်း၏ ကောင်းကျိုးများ
03 Mar 2016 1,363 Views
မီးဖိုချောင်ထဲမှာ ဇနီးမောင်နှံ ၂ ယောက် အတူတကွ ထမင်း ၊ ဟင်း ချက်ပြုတ်ခြင်း လောက် ကဗျာဆန်တဲ့အရာ မရှိသေးပါဘူး။ Elite Daily ၀က်ဘ်ဆိုက်ရဲ့  ဖော်ပြမှု တစ်ခုအရတော့ အတူတကွ ထမင်း ၊ ဟင်း ချက်ပြုတ်ခြင်းဟာ သင်နဲ့ သင့်ရဲ့  လက်တွဲဖော်ကို ပိုမိုနီးကပ် ရင်းနှီးသွားစေတယ်လို့ သိရပါတယ်။ အဲဒီလို လက်တွဲဖော် ၂ ယောက် အတူတကွ ထမင်း ၊ ဟင်း ချက်ပြုတ်ခြင်းဟာ သင့်အချစ်ရေးအတွက် ဘာတွေ ကောင်းကျိုးရှိလာနိုင်လည်း ဆိုတာကို တော့ အောက်ပါ အချက်အလက်များကိုသာ ဖတ်ရှုပြီး လေ့လာကြည့်လိုက်ပါ။
၁။ စိတ်ဖိစီးမှု တွေကို ဖြေလျော့ ပေးနိုင်စွမ်း ရှိပါတယ်
“ချက်ပြုတ်ခြင်းဟာ အကောင်းဆုံး စိတ်ဖိစီးမှု ဖြေလျော့ပေးသူဖြစ်ပါတယ်။ ဘာကြောင့်လဲဆိုတာ ချက်ပြုတ်ခြင်းဟာ ဖန်တီးမှုဆိုင်ရာ ထွက်ပေါက်တစ်ခုအဖြစ် လုပ်ဆောင်ရလို့ပါပဲ” လို့ စိတ်ဖိစီးမှုတွေကိုငြိတွယ်ခြင်း ဆိုတဲ့ စာအုပ်ကိုရေးသားခဲ့သူ စာရေးဆရာ Debbie Mandel က ဆိုပါတယ်။ စိတ်ဖိစီးမှုတွေက သင့်ရဲ့  အာရုံခံစားမှုတွေကို ထုံထိုင်းနေစေတဲ့အချိန်မှာ ချက်ပြုတ်ခြင်းက အာရုံခံစားမှုတွေကို ပြန်လည် လှုံ့ဆော်ပေးလိုင်ပါတယ်။ ရနံ့ ၊ အရသာ ၊ အထိအတွေ့ ၊ အမြင်တင့်တယ်ခြင်း နဲ့ အသံ စတဲ့ အာရုံခံစားမှု(၅) ပါးလုံးကို ဖြစ်ပေါ်လာစေပါတယ်။
၂။ သင့်ကို ပိုမိုဆွဲဆောင်မှု ရှိလာစေပါတယ်
Reddit သုံးစွဲသူ ကောင်မလေး တစ်ယောက်ရဲ့  ရေးသားမှုတစ်ခုကိုပဲ ပြန်ဖော်ပြပေးချင်ပါတယ်။ “သူဟာ ပြိုင်ဘက်ကင်းမဲ့ခဲ့တယ် ၊ တစ်ကိုယ်ကောင်းမဆန်ပဲ စားစရာ ဖန်တီးဖို့ပဲ အာရုံစိုက်ခဲ့တယ် ၊ စားစရာတွေ အဆင်သင့်ဖြစ်တဲ့အချိန်မှာ သူ့ကိုကြည့်ပြီး ကျွန်မ သူ့ရဲ့ အကျီင်္တွေကို ဆွဲဖြဲ ချင်သွားတယ်။ ညစာကို နောက်မှာ စားပြီး သူနဲ့သာ အရင်ဆုံး ချစ်ရည်လူးနေချင်တော့တယ်”
၃။ ချစ်တင်းနှောခြင်းတွေ ပိုမို များပြားလာဖို့ ဦးတည်ပေးပါတယ်
ဝါရှင်တန်ပို့စ် သတင်းစာ ရဲ့  ဆောင်းပါတစ်ပုဒ် အရတော့ ချက်ပြုတ်ခြင်း အပါအ၀င် အိမ်အလုပ်တွေ အတူလုပ်တဲ့ စုံတွဲတွေဟာ အပျော်ရွှင်ဆုံး စုံတွဲတွေ ဖြစ်ပါတယ်တဲ့။ သူတို့ဟာ ချစ်တင်းနှောမှု အလွန်များသလို သူတို့ရဲ့  လိင်ပိုင်းဆိုင်ရာ နေထိုင်မှုတွေမှာလည်း စိတ်ကျေနပ်မှု အလွန်ရရှိခဲ့ကြတယ်လို့ ဖော်ပြထားပါတယ်။
၎။ သင့်ကို ပိုမို ကျန်းမာလာ စေပါတယ်
ဂျွန်ဟော့ကင်းရဲ့  ဘလွန်းဘာ့ဂ်ပြည်သူ့ကျန်းမာရေး ကျောင်း က ပြုလုပ်ခဲ့တဲ့ လေ့လာမှု တစ်ခုအရတော့ အိမ်မှာ ချက်ပြုတ်ပြီး အချိန်မှန်မှန် စားသုံးသူတွေဟာ ပိုမို ကျန်းမာကြပြီး ကယ်လိုရီ ရရှိမှုလည်း အခြားသူတွေထက် နည်းပါးနေတတ်တယ်ဆိုတာကို တွေ့ရှိခဲ့ကြပါတယ်။
၅။ ပြောဆိုဆက်ဆံ မှု ကို ပိုမို အဆင်ပြေစေပါတယ်
ဂေါ့တ်မန်း တက္ကသိုလ် က ပြုလုပ်တဲ့သုတေသန တစ်ခုကတော့ တစ်ယောက်နဲ့ တစ်ယောက် ပြောဆိုဆက်ဆံမှု ကောင်းကောင်း မပြုလုပ်သူတွေဟာ ကြာရှည် မမြဲကြဘူးဆိုတာကို ဖော်ပြခဲ့ပါတယ်။ ကိုယ့်လက်တွဲဖော်နဲ့အတူ ချက်ပြုတ်တဲ့အခါမှာ သင့်မှာ ပြောစရာ တွေ အများကြီး ဖြစ်လာမှာ သေချာပါတယ်။
၆။ “အစပျိုးခြင်း” ပုံစံကွဲတစ်ခုလည်း ဖြစ်ပါတယ်
အတူတကွ ချက်ပြုတ်နေတဲ့အခါမှာ သင်ဟာ အီစီကလီတွေလည်း ပြောနိုင်ပြီး အာရုံခံစားမှုကိုလည်း အသုံးချ နိုင်ပါတယ်။ ချက်ပြုတ်ခြင်းဟာ အာရုံခံစားခြင်းကို အစွမ်းကုန် လှုံ့ဆော်ပေးနိုင်တဲ့ အရာဆိုလည်း ဟုတ်ပါတယ်။ထမင်း ၊ ဟင်း အတူတကွ ချက်ပြုတ်ခြင်းဟာ သင့်အချစ်ရေးနဲ့ သင့်ကျန်းမာရေးအတွက် ကောင်းမွန်စေ နိုင်ပါတယ်။ ပျော်ဖို့လည်းကောင်းသလို ဖန်တီးနိုင်စွမ်းလည်း ရှိလာစေတဲ့အပြင် စိန်ခေါ်မှု တစ်ခုလည်း ဖြစ်နေပြီး အရသာ ရှိတဲ့ ရလဒ်တွေကို အမြဲတမ်း ရရှိစေနိုင်တာကြောင့် မိမိ လက်တွဲဖော်နဲ့ အတူ မီးဖိုချောင် ၀င်နိုင်ဖို့ ကြိုးစားလိုက်ပါ။
